မွေးကင်းစကလေးငယ်တစ်ဦး ရေတွင်းထဲ ပစ်ချခံရပြီး သေဆုံး

မော်လမြိုင်- ကျိုက်မရော လမ်းမပေါ်က မင်းရွာရှိ သုဿန် အကျော် ရာဘာခြံ အတွင်းက ရေတွင်းထဲမှာ မွေးကင်းစကလေးငယ်တစ်ဦး ပစ်ချခံရမှု ဖြစ်ပွားခဲ့တယ်လို့ ဘိုဘိုဝင်း Rescue အရေးပေါ်ကယ်ဆယ်ရေးအဖွဲ့ကနေ သိရပါတယ်။

အဆိုပါ ကလေးငယ်ကို နိုဝင်ဘာ ၁၁ ရက် ည (၇) နာရီလောက်က ရေတွင်းထဲနစ်မြုပ်နေတာကို တွေ့ရှိခဲ့ပြီး လွန်ခဲ့တဲ့ (၃) ရက်ခန့်ကတည်းက လာရောက်စွန့်ပစ်သွားခဲ့တာလို့ ယူဆရကြောင်း ကူညီကယ်ဆယ်ရေးဆောင်ရွက်ပေးခဲ့တဲ့ ကိုဘိုဘိုဝင်းက Duwun ကိုပြောပါတယ်။

ကလေးက ရက်သားပဲ ရှိဦးမယ်။ ယောင်္ကျားလေးပါ။ ချက်ကြိုးတန်းလန်းနဲ့ ရေတွင်းထဲပစ်ချထားတာ။ ကျွန်တော်တို့ တွေ့တဲ့အချိန်မှာ အလောင်းကတော့ ပုပ်ပွနေပြီ” လို့ ကိုဘိုဘိုဝင်းက ဆိုပါတယ်။

လက်ရှိတော့ သက်ဆိုင်ရာနယ်မြေရဲတပ်ဖွဲ့ကတော့ ရဲလုပ်ထုံးလုပ်နည်းအရ ဆောင်ရွက်နေပြီး အဆိုပါ ရွာမှာ ကလေးမွေးထားသူ ရှိမရှိ လိုက်လံစုံစမ်းနေဆဲဖြစ်ကာ တရားခံကိုတော့ ဖမ်းဆီးရမိခြင်းမရှိသေးဘူးလို့ သိရပါတယ်။

သေဆုံးသွားခဲ့တဲ့ ကလေးငယ်ကို သက်ဆိုင်ရာကစစ်ဆေးပြီးနောက် ဘိုဘိုဝင်းအရေးပေါ်ကယ်ဆယ်ရေးအဖွဲ့ကနေ မော်လမြိုင် အမျိုးသမီးနဲ့ကလေးဆေးရုံကို ပို့ဆောင်ပေးခဲ့တယ်လို့ ဆိုပါတယ်။
ေမာ္လၿမိဳင္- က်ိဳက္မေရာ လမ္းမေပၚက မင္း႐ြာရွိ သုႆန္ အေက်ာ္ ရာဘာၿခံ အတြင္းက ေရတြင္းထဲမွာ ေမြးကင္းစကေလးငယ္တစ္ဦး ပစ္ခ်ခံရမႈ ျဖစ္ပြားခဲ့တယ္လို႔ ဘိုဘိုဝင္း Rescue အေရးေပၚကယ္ဆယ္ေရးအဖြဲ႕ကေန သိရပါတယ္။

အဆိုပါ ကေလးငယ္ကို ႏိုဝင္ဘာ ၁၁ ရက္ ည (၇) နာရီေလာက္က ေရတြင္းထဲနစ္ျမဳပ္ေနတာကို ေတြ႕ရွိခဲ့ၿပီး လြန္ခဲ့တဲ့ (၃) ရက္ခန႔္ကတည္းက လာေရာက္စြန႔္ပစ္သြားခဲ့တာလို႔ ယူဆရေၾကာင္း ကူညီကယ္ဆယ္ေရးေဆာင္႐ြက္ေပးခဲ့တဲ့ ကိုဘိုဘိုဝင္းက Duwun ကိုေျပာပါတယ္။

ကေလးက ရက္သားပဲ ရွိဦးမယ္။ ေယာက်ၤားေလးပါ။ ခ်က္ႀကိဳးတန္းလန္းနဲ႔ ေရတြင္းထဲပစ္ခ်ထားတာ။ ကြၽန္ေတာ္တို႔ ေတြ႕တဲ့အခ်ိန္မွာ အေလာင္းကေတာ့ ပုပ္ပြေနၿပီ” လို႔ ကိုဘိုဘိုဝင္းက ဆိုပါတယ္။

လက္ရွိေတာ့ သက္ဆိုင္ရာနယ္ေျမရဲတပ္ဖြဲ႕ကေတာ့ ရဲလုပ္ထုံးလုပ္နည္းအရ ေဆာင္႐ြက္ေနၿပီး အဆိုပါ ႐ြာမွာ ကေလးေမြးထားသူ ရွိမရွိ လိုက္လံစုံစမ္းေနဆဲျဖစ္ကာ တရားခံကိုေတာ့ ဖမ္းဆီးရမိျခင္းမရွိေသးဘူးလို႔ သိရပါတယ္။

ေသဆုံးသြားခဲ့တဲ့ ကေလးငယ္ကို သက္ဆိုင္ရာကစစ္ေဆးၿပီးေနာက္ ဘိုဘိုဝင္းအေရးေပၚကယ္ဆယ္ေရးအဖြဲ႕ကေန ေမာ္လၿမိဳင္ အမ်ိဳးသမီးနဲ႔ကေလးေဆး႐ုံကို ပို႔ေဆာင္ေပးခဲ့တယ္လို႔ ဆိုပါတယ္။