''အဟောင်း''ရုပ်ရှင်ကားကြီးမှာ ပါဝင်မယ့် အနုပညာရှင်များ

‘’အဟောင်း’’ ရုပ်ရှင်ဇာတ်ကားကြီး ကန်တော့ပွဲကို နိုဝင်ဘာလ ၁၄ ရက်နေ့ မနက်ပိုင်းက ရွှေတိဂုံစေတီတော်မှာ ပြုလုပ်ခဲ့ပါတယ်။ ဒီဇာတ်ကားရဲ့ ထူးခြားမှုတွေကိုလည်း ပါဝင်ထားတဲ့ အနုပညာရှင်တွေက ပြောပြလာပါတယ်။

ကျော်ကျော်ဗိုကတော့ ‘’အဟောင်း’’ရုပ်ရှင်ဇာတ်ကားကြီးထဲမှာ ပိုင်ဖြိုးသုနဲ့ တွဲဖက်ပြီး သရုပ်ဆောင်ရမှာဖြစ်ပါတယ်။ ဒီဇာတ်ကားဟာ စိတ်လှုပ်ရှားစရာကောင်းတဲ့ ဇာတ်ကားတစ်ကားဖြစ်တယ်လို့လည်း မီဒီယာ အင်တာဗျူးတွေမှာ ဖြေဆိုခဲ့ပါတယ်။

‘’ ဒီဇာတ်က ပရိသတ်အတွက် တကယ်ကိုရင်ခုန်ပြီးတော့ စိတ်လှုပ်ရှားရမယ်။ ပြီးရင် နည်းနည်းလေး ထိတ်လန့်သည်းဖိုလေးတွေပါတယ်။ ဒီဇာတ်ကားထဲမှာတော့ ကာရိုက်တာက ကျွန်တော်နဲ့ ပိုင်ဖြိုးသုနဲ့က သမီးရည်းစား လင်မယားပေါ့နော်။ ကျန်တာလေးတွေကတော့ ပြောပြလို့ မရသေးပါဘူး’’ ဆိုပြီးတော့ နိုဝင်ဘာလ ၁၄ ရက်နေ့ မနက်ပိုင်းက ‘’အဟောင်း’’ရုပ်ရှင်ဇာတ်ကား ကန်တော့ပွဲမှာ ဖြေဆိုခဲ့တာပါ။

အဆိုတော် Mary ကိုတော့ ‘’အဟောင်း’’ရုပ်ရှင်ဇာတ်ကားမှာ သရုပ်ဆောင်တစ်ယောက်အနေနဲ့ ပထမဆုံး မြင်တွေ့ခွင့်ရမှာဖြစ်ပါတယ်။ ဒီဇာတ်ကားမှာ ပါဝင်ဖို့အတွက် လက်ခံဖြစ်ခဲ့တဲ့ အကြောင်းကိုလည်း ပြောပြခဲ့ပြန်ပါသေးတယ်။

‘’ ဒီဇာတ်ကားကတော့ မေရီအတွက် ပထမဆုံးရုပ်ရှင်ဇာတ်ကားပေါ့နော်။ ပရိသတ် မထင်ထားတဲ့ ကာရိုက်တာလေးနဲ့ ထွက်လာဖို့ အစီအစဉ်ရှိပါတယ်။ အရင်တုန်းက ကမ်းလှမ်းခဲ့တဲ့ ဇာတ်ကားတွေရှိတယ် အဲဒီတုန်းက လက်မခံဖြစ်တာက မေရီ့အတွက် သရုပ်ဆောင်ဖို့ အဆင်သင့်မဖြစ်သေးဘူး။ ဒီဇာတ်ကားရဲ့ ထုတ်လုပ်သူကလည်း MTV တစ်ခုမှ မေရီသရုပ်ဆောင်တာကို တွေ့ပြီး သဘောကျလို့ လာကမ်းလှမ်းတာဆိုတော့ ကိုယ့်ကိုယ်ကိုယ် စိန်ခေါ်မှု တစ်ခုအနေနဲ့ လက်ခံဖြစ်လိုက်တာပါ’’ လို့ ဆက်လက်ပြောပြခဲ့ပါတယ်။

‘’အဟောင်း’’ ရုပ်ရှင်ဇာတ်ကားကြီးထဲမှာ ပိုင်ဖြိုးသုကလည်း ပါဝင်သရုပ်ဆောင်သွားမှာဖြစ်ပါတယ်။ လျှို့ဝှက်သည်းဖို ဇာတ်ကားမရိုက်တာ ကြာပြီလို့လည်း သူက ပြောပါတယ်။

‘’ သုသု 3 Girls ရုပ်ရှင်ဇာတ်ကားရိုက်ပြီးတော့ ထိတ်လန့်သည်းဖို ဇာတ်ကားတွေ မရိုက်ဖြစ်တာ ကြာပြီ။ အခုမှ ပြန်ရိုက်တာ ပထမပါပဲ။ အဟောင်း ဇာတ်ကားက လျှို့ဝှက်သည်းဖို ထိတ်လန့်ဖွယ်ရာ ဇာတ်ကားပေါ့နော်။ ပြီးတော့ ဇာတ်ကလည်း ဆန်းတယ်လေ။ ငယ်ငယ်တုန်းကတော့ သရဲကားရိုက်ခဲ့တာ များတယ်’’ လို့ သူကဆိုပါတယ်။

အဟောင်း ရုပ်ရှင်ဇာတ်ကားကို Golden Hour ရုပ်ရှင်ထုတ်လုပ်ရေးက ထုတ်လုပ်တာဖြစ်ပါတယ်။ ဒီဇာတ်ကားကိုတော့ ဒါရိုက်တာ သီဟစိုးက ရိုက်ကူးပုံဖော်သွားမှာပါ။ ဒီဇာတ်ကားထဲမှာ အဓိက ဇာတ်ဆောင်တွေအနေနဲ့ ကျော်ကျော်ဗိုလ်၊ ပိုင်ဖြိုးသု၊ အောင်ရဲထိုက်၊ Mary ၊ မြင်စိုင်းသား အောင်အောင်၊ ဒေါ်ထက်မြတ်မြတ်ဌေး တို့က ပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို နိုဝင်ဘာလ ၁၇ ရက်နေ့က စပြီး ကလောမြို့မှာ တစ်လအကြာ ရိုက်ကူးသွားမယ်လို့ သိရပါတယ်။

‘’အေဟာင္း’’ ႐ုပ္ရွင္ဇာတ္ကားႀကီး ကန္ေတာ့ပြဲကို ႏိုဝင္ဘာလ ၁၄ ရက္ေန႔ မနက္ပိုင္းက ေ႐ႊတိဂုံေစတီေတာ္မွာ ျပဳလုပ္ခဲ့ပါတယ္။ ဒီဇာတ္ကားရဲ႕ ထူးျခားမႈေတြကိုလည္း ပါဝင္ထားတဲ့ အႏုပညာရွင္ေတြက ေျပာျပလာပါတယ္။

ေက်ာ္ေက်ာ္ဗိုကေတာ့ ‘’အေဟာင္း’’႐ုပ္ရွင္ဇာတ္ကားႀကီးထဲမွာ ပိုင္ၿဖိဳးသုနဲ႔ တြဲဖက္ၿပီး သ႐ုပ္ေဆာင္ရမွာျဖစ္ပါတယ္။ ဒီဇာတ္ကားဟာ စိတ္လႈပ္ရွားစရာေကာင္းတဲ့ ဇာတ္ကားတစ္ကားျဖစ္တယ္လို႔လည္း မီဒီယာ အင္တာဗ်ဴးေတြမွာ ေျဖဆိုခဲ့ပါတယ္။

‘’ ဒီဇာတ္က ပရိသတ္အတြက္ တကယ္ကိုရင္ခုန္ၿပီးေတာ့ စိတ္လႈပ္ရွားရမယ္။ ၿပီးရင္ နည္းနည္းေလး ထိတ္လန႔္သည္းဖိုေလးေတြပါတယ္။ ဒီဇာတ္ကားထဲမွာေတာ့ ကာ႐ိုက္တာက ကြၽန္ေတာ္နဲ႔ ပိုင္ၿဖိဳးသုနဲ႔က သမီးရည္းစား လင္မယားေပါ့ေနာ္။ က်န္တာေလးေတြကေတာ့ ေျပာျပလို႔ မရေသးပါဘူး’’ ဆိုၿပီးေတာ့ ႏိုဝင္ဘာလ ၁၄ ရက္ေန႔ မနက္ပိုင္းက ‘’အေဟာင္း’’႐ုပ္ရွင္ဇာတ္ကား ကန္ေတာ့ပြဲမွာ ေျဖဆိုခဲ့တာပါ။

အဆိုေတာ္ Mary ကိုေတာ့ ‘’အေဟာင္း’’႐ုပ္ရွင္ဇာတ္ကားမွာ သ႐ုပ္ေဆာင္တစ္ေယာက္အေနနဲ႔ ပထမဆုံး ျမင္ေတြ႕ခြင့္ရမွာျဖစ္ပါတယ္။ ဒီဇာတ္ကားမွာ ပါဝင္ဖို႔အတြက္ လက္ခံျဖစ္ခဲ့တဲ့ အေၾကာင္းကိုလည္း ေျပာျပခဲ့ျပန္ပါေသးတယ္။

‘’ ဒီဇာတ္ကားကေတာ့ ေမရီအတြက္ ပထမဆုံး႐ုပ္ရွင္ဇာတ္ကားေပါ့ေနာ္။ ပရိသတ္ မထင္ထားတဲ့ ကာ႐ိုက္တာေလးနဲ႔ ထြက္လာဖို႔ အစီအစဥ္ရွိပါတယ္။ အရင္တုန္းက ကမ္းလွမ္းခဲ့တဲ့ ဇာတ္ကားေတြရွိတယ္ အဲဒီတုန္းက လက္မခံျဖစ္တာက ေမရီ႕အတြက္ သ႐ုပ္ေဆာင္ဖို႔ အဆင္သင့္မျဖစ္ေသးဘူး။ ဒီဇာတ္ကားရဲ႕ ထုတ္လုပ္သူကလည္း MTV တစ္ခုမွ ေမရီသ႐ုပ္ေဆာင္တာကို ေတြ႕ၿပီး သေဘာက်လို႔ လာကမ္းလွမ္းတာဆိုေတာ့ ကိုယ့္ကိုယ္ကိုယ္ စိန္ေခၚမႈ တစ္ခုအေနနဲ႔ လက္ခံျဖစ္လိုက္တာပါ’’ လို႔ ဆက္လက္ေျပာျပခဲ့ပါတယ္။

‘’အေဟာင္း’’ ႐ုပ္ရွင္ဇာတ္ကားႀကီးထဲမွာ ပိုင္ၿဖိဳးသုကလည္း ပါဝင္သ႐ုပ္ေဆာင္သြားမွာျဖစ္ပါတယ္။ လွ်ိဳ႕ဝွက္သည္းဖို ဇာတ္ကားမ႐ိုက္တာ ၾကာၿပီလို႔လည္း သူက ေျပာပါတယ္။

‘’ သုသု 3 Girls ႐ုပ္ရွင္ဇာတ္ကား႐ိုက္ၿပီးေတာ့ ထိတ္လန႔္သည္းဖို ဇာတ္ကားေတြ မ႐ိုက္ျဖစ္တာ ၾကာၿပီ။ အခုမွ ျပန္႐ိုက္တာ ပထမပါပဲ။ အေဟာင္း ဇာတ္ကားက လွ်ိဳ႕ဝွက္သည္းဖို ထိတ္လန႔္ဖြယ္ရာ ဇာတ္ကားေပါ့ေနာ္။ ၿပီးေတာ့ ဇာတ္ကလည္း ဆန္းတယ္ေလ။ ငယ္ငယ္တုန္းကေတာ့ သရဲကား႐ိုက္ခဲ့တာ မ်ားတယ္’’ လို႔ သူကဆိုပါတယ္။

အေဟာင္း ႐ုပ္ရွင္ဇာတ္ကားကို Golden Hour ႐ုပ္ရွင္ထုတ္လုပ္ေရးက ထုတ္လုပ္တာျဖစ္ပါတယ္။ ဒီဇာတ္ကားကိုေတာ့ ဒါ႐ိုက္တာ သီဟစိုးက ႐ိုက္ကူးပုံေဖာ္သြားမွာပါ။ ဒီဇာတ္ကားထဲမွာ အဓိက ဇာတ္ေဆာင္ေတြအေနနဲ႔ ေက်ာ္ေက်ာ္ဗိုလ္၊ ပိုင္ၿဖိဳးသု၊ ေအာင္ရဲထိုက္၊ Mary ၊ ျမင္စိုင္းသား ေအာင္ေအာင္၊ ေဒၚထက္ျမတ္ျမတ္ေဌး တို႔က ပါဝင္သ႐ုပ္ေဆာင္ထားတာျဖစ္ပါတယ္။ ဒီဇာတ္ကားကို ႏိုဝင္ဘာလ ၁၇ ရက္ေန႔က စၿပီး ကေလာၿမိဳ႕မွာ တစ္လအၾကာ ႐ိုက္ကူးသြားမယ္လို႔ သိရပါတယ္။